69 nuevas edificaciones judiciales tendrá el país hasta el 2015 (Con versión Kichwa) |
Escrito por Comunicacion |
Lunes, 26 de Agosto de 2013 05:41 |
El Director de Modernización del Consejo de la Judicatura, Tomás Alvear, informó que hasta el año 2015 el país contará con 69 nuevas y modernas Unidades Judiciales, de las cuales 41 ya están en funcionamiento.
DIRECCIÓN NACIONAL DE COMUNICACIÓN
(Versión kichwa)
2015 watapi ñukanchi mamallaktaka 69 Unidad Judicial wasikunatami charinka
Consejo de la Judicaturapa, Modernización ruraykunata Pushak, Tomás Alvear, 2015 watakaman ñukanchi mamallakta 69 mushuk, alli Unidad Judicial wasikunata charinka, kunankamanka ña 41 wasikunatami paskashkanchi, nirka.
Shinallata, justiciata mushukyachi ruraykunawan, penal llakikunata katinkapak pachakunaka pishiyashkami, nirka. “Manara Unidades de Flagrancia ukukuna tyakpika 190 punchakunapi ruraykunaka tukurin karka, kunanka 47 punchakunapilla ruraykunaka paktarin, chay wasipillata fiscal, defensor público, juez, policía llamkakkuna llamkanakunpi pachakunata pishiyachishkanchi”, nirka.
Pichincha markapa, Rumiñahui kitipi mamallaktata pushak, Rafael Correa, Enlace Ciudadano 336 willachikunata paktachikukpimi shina nirka Alvear pushakka.
Paypak rimaypi, Mamallaktata pushakka justicia mushukyakunmi nishpa allikachirka, “tukuykuna 2011 watapa Consulta Popular tapuchikunapi ari nishkamantami kayta ruray ushashkanchi”, nirka.
“Kaypimi rikunakunchi, achka mushuk juez kamachikunami tyan, kallaripika 4, 5 juez kamchikunatami tyarka 100 waranka purapa, kunanka ña 10 juez kamachikunatami charinchi 100 waranka purapa, Abya Yala mamallaktakunaka 11 juez kamchikunatami charin, ñami kayta yallishun”, nirka.
“Justicia illakpika, mana alli kawsay tyanka, mana justicia tyakpika mana alli kawsayta tari usharinkachu”, nirka Punta Pushakka.
Kay 27, 29 kapak situwa punchakuna, Consejo de la Judicatura ukuka Guayaquilpi, Chimborazo markapa, Guamote kitipipash mushuk Complejo Judicial wasikunata paskakrikun, chay kuskakunapi kawsakkunapak mutsuykunata alli paktachinkapak.
|
Última actualización el Viernes, 02 de Febrero de 2018 11:42 |